Élodie, biologa d?estudios e probenzala de nazión, prenzipia un estudio sobre bellas rapazes migraderas que le sirbe como salida á una cruzillata personal e profesional. Seguindo o buelo de boletas e alicas pescairas plega en una chica isla en que se ye farchando una comuna de chóbens emigratos-fuyitos de diferens ziudaz europeyas.
Airam, en Gran Canaria, nuebo profesor d?instituto, alterna l?amostranza con a imbestigazión d?a istoria canaria d?os años 30 d?o pasato sieglo. Estirando d?ixe filo conoxe o esilio de Carmen, tía suya, que acabó con o suyo marito Cosme por tierras portuguesas. Carmen, amás d?informar-le d?as bezisituz d?as suyas bidas, le?n da una biella biblia reziclata. En ella, Alifonso, probenzal que durante a conquista de Canarias quedó entollato en una isla d?a Macaronesia, s?adedicó á recontar a suya bida.
María, literata, ye en una contina busca d?istorias, amuestra u por o menos mira de fer beyer tanto á Airam como á Élodie que os suyos quefers pretendidamén obchetibos no son sino narrazions, literatura disbrazata de paradigmas zientificos. Entremistanto, trascribe o manescrito d?Alifonso.